Policia e Pogradecit ka arrestuar edhe dy persona të tjerë pasi akuzohen se kanë dhunuar familjarët e komisionerit të Partisë Socialiste, Entin Gega. Dy persona me inicialet E.M., dhe D.M., vijojnë të jenë në kërkim nga policia.
Ditën e sotme eksponenti i Partisë Demokratike, Luan Tollozhina tashmë i arrestuar nga policia, dhunoi komisionerin e PS Entin Gega në qendrën e votimit pasi vajza e këtij të fundit debatoi me të.
Numri total i të arrestuarve në lidhje me ngjarjen ka shkaur në pesë persona ndërsa vijojnë kërkimet për kapjen e dy të tjerëve.
Njoftimi i Policisë
Pogradec/Kapen dhe vihen në pranga dy nga katër shtetasit e shpallur në kërkim për dhunimin familjarëve të komisionerit E.G.
Në vijim të informacionit të dhënë sot ku në qendrën e votimit nr.3901, shtetasi L. T., tashmë i arrestuar nga Strukturat e Posaçme për Hetimin e Krimeve Zgjedhore në DVP Korçë, dhunoi fizikisht komisionerin shtetasin E. G, dhe më pas disa persona dhunuan familjarët e shtetasit E.G, ju informojmë se:
Strukturat e Posaçme për Hetimin e Krimeve Zgjedhore në DVP Korçë, dhe shërbimet operacionale të Drejtorisë Vendore të Policisë Korçë lokalizuan kapën dhe vunë në pranga dy nga katër shtetasit e shpallur në kërkim dhe konkretisht shtetasit :
L. K., 34 vjeç, dhe R. T., 37 vjeç, banues në Pogradec për veprat penale " Goditja ndaj pjesëtarëve të familjes së personit që kryen një detyrë shtetërore" dhe "Plagosja e lehtë me dashje".
Vijon puna për kapjen edhe të dy shtetasve të tjerë të shpallur në kërkim konkretisht shtetasit D. M., 30 vjeç, E. M., 35 vjeç.
Vijon puna për dokumentimin e plotë ligjor të ngjarjes, si dhe kapjen dhe shoqërimin e shtetasve të shpallur në kërkim.
Materialet procedurale i kaluan Prokurorisë për veprime të mëtejshme.
Sondazh
Lexo gjithashtu
