Janë publikuar të dhënat nga exit-poll i parë i zgjedhjeve, ku PS kryeson me 79 mandate ndërsa PD ka 54 mandate.
Exit poll e para flasin për një fitore të thellë të Partisë Socialiste në zgjedhjet e mbajtura ditën e sotme në Shqipëri.
Albanian Post ka publikuar pak minuta pas mbylljes së qendrave të votimit, exit poll në rang kombëtar nga ku rezulton se socialistët kanë marrë 79 mandate, ose pesë më shumë se katër vjet më parë.
Sali Berisha rezultojnë me 54 mandate ose 38% të votave në rang vendi, dhe nga ana tjetër PSD-ja e Tom Doshit mund të marrë tre mandate, ku dy i ka në Shkodër dhe një në Tiranë me 2.2% të votave në rang vendi.
Partia Mundësia e Agron Shehaj merr 3.6% të votave në rang kombëtar, por arrin të marrë vetëm 2 mandate, për shkak të shpërndarjes së gjerë të votave në gjithë Shqipërinë dhe përqendrimit vetëm në qarkun e Tiranës.
Në 1 mandat mund të fitojë lëvizja Bashkë e Arlind Qorit, në qarkun e Tiranës. Një mandat mund të marrë edhe Lulzim Basha në Tiranë, ndërkohë që Adriatik Lapaj dhe koalicioni i tij rezultojnë pa asnjë mandat.
Rezultatet e exit-poll
PS 79 mandate
PD 54 mandate
PSD 3 mandate
Mundësia 2 mandate
Lëvizja Bashkë 1 mandat
KEA (Partia e Bashës) 1 mandat
Nisma Shqipëria Bëhet 0 mandate
-
Shqipëria voton!
11 Maj, 06:40
Sondazh
Lexo gjithashtu
