Lideri i Demokratëve Euroatlantikë, Lulzim Basha, ka reaguar menjëherë pas arrestimit të kryebashkiakut të Tiranës, Erion Veliaj.
Përmes një postimi në rrjetin e tij social, Facebook, Basha ka përshëndetur vendosmërinë e SPAK për t'i shkuar në fund aferave korruptive, teksa inkurajon institucionet e drejtësisë të veprojnë pa asnjë hezitim kundër korrupsionit.
Politikani demokrat u shpreh ndër të tjera se Bashkia e Tiranës, nën drejtimin e Veliajt dhe Ramës ishte kthyer në një vatër korrupsioni. Më tej ka hedhur akuza drejt kryeministrit, i cili sipas tij, është i paaftë për të ndaluar korrupsionin ose është bashkëpunëtor i të korruptuarve.
-
Arrestohet kryebashkiaku Erion Veliaj!
10 Shkurt, 14:25
Postimi i plotë i Bashës:
Nën drejtimin e Erion Veliajt dhe me mbështetjen e Edi Ramës, Bashkia e Tiranës u kthye në një vatër korrupsioni dhe në lavatriçe të parave të pista, në shërbim të një grushti të vogël njerëzish, jo të qytetarëve.
Përshëndes vendosmërinë e SPAK për t’i shkuar deri në fund aferave korruptive dhe inkurajoj institucionet e drejtësisë të veprojnë pa asnjë hezitim kundër korrupsionit në nivelet e larta, që shkatërron mirëqenien e familjeve shqiptare.
E teksa numri i bashkëpunëtorëve të ngushtë të Edi Ramës, që popullojnë sot bangat e të akuzuarve vetëm rritet, për çdo shqiptar është e qartë, se kryeministri ose është i paaftë për t’u përballur dhe për të ndaluar korrupsionin, që vetëm ai nuk e ka parë në këto vite pranë tij, ose është bashkëpunëtor i të korruptuarve në vjedhjen e miliarda eurove.
Në të dyja rastet ai duhet të largohet.
Fundi i pandëshkueshmërisë është fundi i tranzicionit në Shqipëri!
Sondazh
Lexo gjithashtu
