Hapësire reklamuese

Aktualitet

I vendosi tritol ndërtesës së biznesmenit, Gjykata e Lezhës jep masën e sigurisë për Erald Pajtanin

Shkruar nga Newsbomb

Gjykata e Lezhës ka vendosur masën "arrest me burg" për Erald Pajtanin.

Ky i fundit vendosi tritol në kolonat e një objekti në ndërtim. Sipas informacioneve për mediat, në seancën gjyqësore, 21-vjeçari ka mohuar që të ketë lidhje me ngjarjen.

Por, ai është zbuluar nga kamerat e sigurisë ku prokuroria ka identifikuar edhe një automjet që ishte marrë me qira nga i riu gjatë kohës që ka ndodhur ngjarja.

Erald Pajtani është arrestuar me datë 31 dhjetor, pasi akuzohej për vendosjen e lëndës plasëse në kolonat e objektit në ndërtim të biznesmenit Liman Gjoka.

Kjo ngjarje ka ndodhur me 19 nëntor të vitit 2020.

Njoftimi i Policisë:

Policia e Lezhës zbardh ngjarjen e ndodhur më datë 19.11.2020, në Shëngjin, ku shpërtheu një sasi lënde plasëse në objektin në pronësi të shtetasit L. Gj.Finalizohet operacioni policor i koduar "Eksplozivi".

Operacioni nga DVP Lezhë dhe Komisariati i Policisë Lezhë, në bashkëpunim me Komisariatin e Policisë Krujë, nën drejtimin e Prokurorisë së Rrethit Gjyqësor Lezhë.

Gjatë operacionit kapet dhe vihet në pranga autori i dyshuar i vendosjes së eksplozivit.

Strukturat e Drejtorisë Vendore të Policisë Lezhë, në bashkëpunim me Komisariatin e Policisë Lezhë, nën drejtimin e Prokurorisë së Rrethit Gjyqësor Lezhë, pas një pune profesionale hetimore, bënë të mundur identifikimin e autorit të dyshuar të vendosjes së eksplozivit në një objekt në ndërtim në Shëngjin.

Si rezultat i provave të grumbulluara u organizua dhe finalizua operacioni policor i koduar "Eksplozivi", si rezultat i të cilit, në bashkëpunim më Komisariatin e Policisë Krujë, u bë kapja dhe ndalimi i shtetasit E. P., 21 vjeç, banues në Larushk, Krujë.

Ky shtetas, më datë 19.11.2020, në Shëngjin, Lezhë, dyshohet të ketë vendosur në një nga kolonat e një objekti në ndërtim, në pronësi të shtetasit L. Gj., një sasi lënde plasëse, nga shpërthimi i së cilës u shkaktuan vetëm dëme materiale.

Nën drejtimin e Prokurorisë vijon puna për zbardhjen e plotë të rrethanave të ngjarjes, identifikimin dhe kapjen e personave të tjerë të përfshirë në këtë ngjarje.   

Materialet iu referuan Prokurorisë së Rrethit Gjyqësor Lezhë, në ngarkim të shtetasit E. P., për veprat penale “Shkatërrimi i pronës me eksploziv”, “Prishja e qetësisë publike”, “Mbajtja pa leje e municioneve luftarake” dhe “Kanosja”.

Lexo gjithashtu

Sondazh

Poll