Donald Trump ka lëshuar kërcënime të reja kundër Iranit , disa orë para takimit të tij me kryeministri izraletit Benjamin Netanyahun në Shtëpinë e Bardhë, duke thënë se është gati të nisë sulme të reja ushtarake nëse Teherani nuk vazhdon me një marrëveshje të re mbi programin e tij bërthamor.
Në një intervistë telefonike me Fox Neës, presidenti amerikan duket se minimizoi raportet e Netanyahut se Irani po përpiqet të rifillojë programin e tij bërthamor.
"Nuk kam nevojë që Bibi të ma thotë këtë. Ai ma thotë këtë sepse do që unë të qëndroj i përfshirë. Me Forcën Hapësinore, ne kemi sistemet më të mira të mbikëqyrjes në botë. Ne kemi një pamje të plotë të asaj që po ndodh", tha ai.
Ai pretendoi se agjencitë e inteligjencës amerikane janë plotësisht të vetëdijshme për atë që po ndodh në objektet bërthamore iraniane, duke thënë se SHBA-të po monitorojnë nga afër zonën e Malit Pickaxe, e cila konsiderohet një objekt i mundshëm bërthamor.
"Ne shkatërruam objektet e tyre bërthamore dhe, nëse ata nuk bëjnë një marrëveshje, do të na duhet të shkatërrojmë edhe Malin Pickaxe", tha ai.
Trump theksoi se e shpëtoi Izraelin duke ndaluar programin bërthamor të Iranit, teksa tha: “Nëse nuk do të isha president sot, Izraeli nuk do të ekzistonte .”
Në të njëjtën kohë, presidenti amerikan përmendi edhe skenarin e sulmeve ndaj infrastrukturës kritike në Iran, duke pretenduar se ai mund të shkatërrojë urat më të mëdha të vendit në një kohë të shkurtër. Në të njëjtën kohë, ai theksoi se edhe termocentralet mund të jenë një objektiv.
"Nëse ata nuk arrijnë një marrëveshje, unë do të kthehem dhe do ta përfundoj punën . Mund t'i shkatërroj shumë lehtë shumicën e urave të tyre kryesore në më pak se dy orë, Brenda një dite, të gjitha termocentralet do të shkatërrohen. Urat duan vite për t'u rindërtuar dhe termocentralet janë gjithashtu jashtëzakonisht të vështira për t'u zëvendësuar", pohoi ai.
Trump iu referua gjithashtu Ngushticës së Hormuzit, duke pretenduar se Shtetet e Bashkuara kanë kontroll të plotë të rajonit.
"Ne kontrollojmë Ngushticën e Hormuzit. Ata mund të vendosin disa mina dhe të shkaktojnë probleme, por ne e kontrollojmë atë. Marina jonë është e pabesueshme", tha ai.
Sipas tij, bllokada detare e Iranit u rifillua kur Shtetet e Bashkuara rifilluan operacionet ushtarake rreth dy javë më parë, duke akuzuar Teheranin për shkelje të memorandumit të mirëkuptimit të nënshkruar në qershor.
"Nuk mund t'i lejojmë më ata të shkelin marrëveshjet. Sa herë që flasim për programin bërthamor, papritmas ata thonë se nuk ka bisedime. Pikërisht për këtë po flasim", tha ai.
Presidenti amerikan përsëriti se Uashingtoni do të preferonte një zgjidhje diplomatike , por paralajmëroi se nëse nuk ka marrëveshje, SHBA-të janë gati të vazhdojnë me operacione të reja ushtarake kundër infrastrukturës kritike iraniane.
Sondazh
Lexo gjithashtu
