Presidenti i Republikës, Bajram Begaj ka ndarë një mesazh lamtumire për vdekjen e mjeshtrit të kinematografisë shqiptare, Dhimitër Anagnosti, i cili mbylli sytë përgjithmonë këtë të hënë, 1 Shtator, në moshën 89 vjeçare.
Begaj thotë se një tjetër yll i plejadës së artistëve të mëdhenj shqiptarë u shua sot, ama kombi do të vazhdojë të magjepset nga krijimtaria e tij e madhe.
"Plejadës së artistëve të mëdhenj shqiptarë iu shkëput sot një tjetër yll. Lamtumirë, Dhimitër Anagnosti! Shqiptarët do të vazhdojnë të magjepsen nga arti yt i madh", shkruan Presidenti Bajram Begaj, teksa publikon dhe një fotografi të Anagnostit.
-
Iku Dhimitër Anagnosti
1 Shtator, 09:27
Dhimitër Anagnosti ishte një nga mjeshtrit më të mëdhenj të kinematografisë shqiptare. Ai ka realizuar filma që kanë lënë gjurmë të paharruara në kujtesën e publikut, si “Lulëkuqet mbi mure”, “Përrallë nga e kaluara”, “Gjoleka, djali i Abazit” dhe shumë të tjerë.
Përveçse një regjisor i njohur, ai ka qenë gjithashtu skenarist dhe autor librash.
Për kontributin e tij të jashtëzakonshëm në art, Dhimitër Anagnosti u nderua me titullin "Artist i Popullit" dhe u vlerësua me dhjetëra çmime. Në vitet ’90, ai u angazhua gjithashtu në politikë, duke shërbyer si deputet dhe më pas si Ministër i Kulturës, Rinisë dhe Sporteve.
Sondazh
Lexo gjithashtu
