Si sot para 27-vitesh, trupat paqeruajtëse të Aleancës Veri-Atlantike mbërritën në Kosovë, duke i dhënë fund luftës dhe duke mundësuar kështu kthimin e qindra mijëra shqiptarëve të dëbuar nga shtëpitë e tyre. Kjo ngjajre kaq e rëndësishme është përshëndetur e uruar edhe nga kryeministri Edi Rama, oërmes një postimi në llogarinë e tij në rrjetin social “Facebook”.
Kryeministri ka zgjedhur t’ia urojë Kosovës Ditën e Çlirimit, përmes një foto-albumi të ushtarëve Kosovarë që takohen me familjarët e tyre, si edhe të ushtarëve paqeruajtës të NATO të cilët takojnë e përshëndesin banorët e Kosovës, teksa krah tyre shkruan: “Gëzuar 27 vjetorin - Ditën e Çlirimit”
Pas bombardimeve të shumta që kishin mbërthyer vendin, Serbia u detyrua të bënte pas dhe më shumë se 800 mijë refugjatë të vendit u rikthyen në shtëpitë e tyre, ndonëse shumica e tyre ishin të shkatërruara.
Nga lufta e viteve 1998-1999 rreth 16 mijë persona u vranë në mënyrë makabër dhe mbi 6 mijë të tjerë u raportuan të zhdukur.
