Policia e Tiranës ka zbuluar dy apartamente në Rrugën e Elbasanit dhe në rrugën “Vangjush Furxhi”, ku dyshohet se ushtrohej prostitucion nga shtetase të huaja.
Sipas njoftimit të policisë, janë arrestuar dy shtetase kineze, K. S., 39 vjeçe, dhe Ë. G., 42 vjeçe, të cilat dyshohet se kishin marrë me qira një apartament në Rrugën e Elbasanit për ushtrimin e kësaj veprimtarie.
Në pranga ka rënë edhe shtetasja vietnameze T. (N. L.) V., 43 vjeçe, e cila dyshohet se kishte marrë me qira një apartament në rrugën “Vangjush Furxhi” për të njëjtin qëllim.
Gjatë operacionit, policia sekuestroi në cilësinë e provës materiale dy telefona celularë, të cilët kishin komunikim rreth kësaj veprimtarie.
Njoftimi i Policisë:
Tiranë/Finalizohet operacioni i koduar “Flats”.
Zbulohet se në 3 apartamente në Rrugën e Elbasanit dhe në rrugën “Vangjush Furxhi”, ushtrohej prostitucion nga shtetase të huaja.
Arrestohen 3 shtetase kineze dhe vietnameze. Procedohen penalisht 2 shtetas, për veprën “Prostitucioni”.
Sekuestrohen 2 celularë me komunikime rreth kësaj veprimtarie
Si rezultat i punës operative dhe asaj hetimore, me objektiv konstatimin e rasteve të vënies së ambienteve të marra me qira, në dispozicion të ushtrimit të prostitucionit, specialistët e Seksionit për Hetimin e Trafiqeve finalizuan operacionin e koduar “Flats”, gjatë të cilit u goditën 3 raste të tjera të kësaj veprimtarie. Për rastet u arrestuan:
-shtetaset kineze, K. S., 39 vjeçe dhe Ë. G., 42 vjeçe, pasi dyshohet se secila kishte marrë me qira, një apartament në Rrugën e Elbasanit, për të ushtruar prostitucion;=
-shtetasja vietnameze, T. (N. L.) V., 43 vjeçe, pasi dyshohet se kishte marrë me qira, një apartament në rrugën “Vangjush Furxhi”, për të njëjtin qëllim.
Në vijim të veprimeve në lidhje me këto raste, nisi procedimi në gjendje të lirë për 2 shtetas, për veprën penale “Prostitucioni”.
Materialet procedurale iu referuan Prokurorisë së Tiranës, për veprime të mëtejshme.
