Sekretari i Përgjithshëm i Partisë Demokratike, Flamur Noka, ka reaguar mbi arrestimin e kreut të Partisë së Lirisë, Ilir Meta.
Deputeti Noka akuzon kryeministrin Edi Rama për ogranizimin e një shfaqe të shëmtuar i cili jep urdhëra politikë në mënyrë që të zhdukë çdo kundërshtarë në prag të zgjedhjeve vendore.
Ndër të tjera, ai thotë se është e shëmtuar për Shqipërinë që ish kryeministri dhe ish presidenti i republikës të tërhiqet zvarrë nga maskat e narkoshtetit.
-
SPAK arreston Ilir Metën
21 Tetor, 13:46
Postimi i plotë:
Jo vetëm arrestimi, por ndalimi në rrugë i automjetit në formën e aksionit blic, është një shfaqje e turpshme për Policinë e Shtetit, që zbaton me përpikmëri urdhërat politikë të kryeministrit-prokuror. E turpshme për Shqipërinë dhe qytetarët #shqiptarë që ish Presidenti dhe ish Kryeministri i vendit të tyre të tërhiqet me forcë nga maskat e narkoshtetit.
Edi Rama, pasi nuk ia doli të likuidojë #PD-në, synon eliminimin politik të Partisë së Lirisë. Zgjedhjet po afrojnë dhe #Rama kërkon që #shqiptarët të mos kenë alternativa e ai vetë të mos ketë kundërshtarë.
Të gjitha do t’i kthehen mbrapsht. Populli opozitar do të qëndrojë i bashkuar përballë diktaturës së mafias.
Narkoshteti i Ramës do shembet para syve tanë. Dy drejtuesit kryesorë të opozitës janë arrestuar me urdhër të Ramës. Të përballemi me të gjitha forcat! Mosbindje civile deri në fund!
