Detaje të reja janë zbuluar nga ngjarja e regjistruar pasditen e kësaj të diele në Fushë-Milot ku u raportua për të shtëna me armë zjarri.
Burime për mediat bëjnë me dije se ngjarja është regjistruar në qendrën votimit 0871 Fushë Milot, në shkollën 9 vjeçare, “29 Nëntori”, ku të përfshirë kanë qenë dy shtetas.
Mësohet se dy personat e identifikuar si Kastriot Preng Perdoda dhe Astrit Lleshi janë konfliktuar verbalisht në ambientet e qendrës së votimit, ndërkohë që këtë debat e kanë vijuar dhe jashtë saj.
Konflikti mes tyre thuhet se ka degraduar deri në përdorimin e armëve të zjarrit, ku ka qenë Perdoda ai i cili ka nxjerrë armën e zjarrit dhe ka qëlluar në ajër.
Fatmirësisht nuk ka pasur të lënduar, ndërkohë që policia ndodhet në vendin e ngjarjes dhe po punon për zbardhjen e plotë të saj.
Lidhur me këtë ngjarje priten më tepër detaje në vijim.
-
Shqipëria voton!
11 Maj, 06:40
Sondazh
Lexo gjithashtu
