21 personat që u arrestuan gjatë protestës së 2 korrikut që u zhvillua në mesditë para Kuvendit, pritet të dalin përballen sot në orën 09:30 me togat e zeza.
Për rrjedhojë, protestuesit dhe Grupi Koordinues kanë lajmëruar se do të mblidhen në protestë para Gjykatës së Tiranës.
Arrestimi i qytetarëve të cilët mesditën e 2 korrikut agravuan deri në dhunë fizike ndaj Policisë së Shtetit si dhe thyen një nga makinat e “bluve” të Tiranës e cila ishte e pakuar pak metra larg Kuvendit, ka sjellë një ashpërsim të qytetarëve të cilët ditën e djeshme thyen xhamat e Komisariatit nr.3.
Mbrëmjen e djeshme, qytetarët u përgjigjen me dhunë për arrestimin e 21 qytetarëve.
Ashtu siç ka raportuar dhe newsbomb.al, pas gati 2 orësh fjalime, qytetarët marshuan si zakonisht rrugëve të kryeqytetit, por situata u tensionua te komisariati numër 3 në rrugën “Mine Peza”, aty ku mbahen protestuesit e arrestuar.
Një grup qytetarësh të maskuar, me gurë e shkopinj sulmuan komisariatin përfunduan duke thyer xhamat e duke shqyer derën e godinës.
Protestuesit e arrestuar janë në akuzë për 7 vepra penale, shkatërrim prone, kundërshtim i punonjësit të policisë, goditje për shkak të detyrës, prishje e rendit dhe qetësisë publike, organizim dhe pjesëmarrje në grumbullime dhe manifestime të paligjshme, mosbindje ndaj urdhrit të ligjshëm të policisë dhe pengim i qarkullimit të mjeteve.
Emrat e personave të arrestuar më 2 korrik:
Kujtim Pervataj
Romario Dushi
Ardit Ymaj
Niko Qarkaj
Ylli Shima
Ervis Gjoni
Frrok Bardhi
Rezart Pirani
Admir Tershalla
Alban Nikolli
Elvis Bici
Altin Hila
Ervin Gega
Arben Lleshaj
Everes Bardhi
Besard Kajmi
Aristotel Elezaj
Gentjan Progni
Durim Bami
Sondazh
Lexo gjithashtu
