Një situatë e pazakontë është shënuar në komunën e Zubin Potokut, ku qendra e votimit me kusht ka mbetur pa fletëvotime gjatë pasdites, duke lënë shumë qytetarë të pamundur të votojnë.
Ata që prisnin në radhë u informuan nga punonjësit se procesi i votimit nuk mund të vazhdonte, pasi fletët ishin mbaruar.
“Kam ardhur nga ora 11:30 duke pritur, por nuk munda të votoj sepse na thanë se nuk ka më fletëvotime. Kam ardhur nga Komuna e Leposaviçit sepse atje na kanë thënë që këtu duhet të votojmë, por nuk votojmë dot”, tha një qytetar në Zubin Potok.
Millutin Gjukiç, kryesues i kësaj qendre votimi, tha se problemi ishte zgjidhur përkohësisht gjatë ditës, por më pas mungesa e fletëvotimeve u përsërit. "Kemi kontaktuar me Prishtinën dhe na është thënë që duhet të presim, ndërsa qytetarët vazhdojnë të qëndrojnë jashtë," deklaroi ai.
Ndërkohë, Komisioni Qendror i Zgjedhjeve nuk ka dhënë ende një reagim zyrtar për këtë situatë.
Sondazh
Lexo gjithashtu
