Situata e tensionuar në burgun famëkeq të Koridhalosit në Greqi, ku brenda pak ditësh mbeti i vrarë dhe shqiptari Jani Aliaj dhe u plagos Dhimitër Meci, i ka bërë autoritet vendase që të reagojnë menjëherë për sigurinë në burgje.
Mediat greke raportojnë se ditën e sotme Drejtoria për Luftimin e Krimit të Organizuar ka ushtruar kontrolle brenda burgut famëkeq.
Efektivët e policisë, në ndihmë të cilëve u ka ardhur dhe një qen policor për të pikasur më lehtësisht rrezikun, kontroluan sot në 10 qeli 3 dhoma të Deposë Qendrore të Burgjeve të Koridhalos, si dhe në 31 të burgosur.
Nga kontrollet e ushtruara mësohet se u ngritën padi penale ndaj dy të burgosurve (identiteti i të cilëve mbetet i pazbuluar) pasi në qelitë e tyre u gjetën celularë.
Gjatë hetimeve raportohet se janë gjetur dhe sekuestruar: 2 pako najloni me kanabis të përpunuar (çokollatë) me një peshë totale bruto prej 2.75 gramësh, 4 telefona celularë, kartë SIM, karikues të bardhë dhe kabllo karikimi.
“Konkretisht, oficerët e policisë nga Nën-Drejtoria e Narkotikëve, me ndihmën e oficerëve të policisë nga Nën-Drejtoria e Krimeve kundër Jetës dhe Pronës dhe Nën-Drejtoria e Inteligjencës dhe Veprimeve Speciale të D.A.O.E., si dhe Njësia Speciale Shtypëse Antiterroriste (EKAM) dhe një Qen Policor, kryen kontrolle në 10 qeli, 3 dhoma të Deposë Qendrore të Burgjeve të Koridhalos, si dhe në 31 të burgosur”, informuan autoritetet.
Sondazh
Lexo gjithashtu
