Ish-kryeministri Sali Berisha ka reaguar lidhur me incidentin e ndodhur një natë më parë ku gjatë protestës në Tiranë një prej protestueseve grisi flamurin e Izraelit.
Përmes një qëndrimi zyrtar, Berisha bën me dije se Partia Demokratike e dënon me forcë kë të akt kriminal ekstremist, i cili bie ndesh me lidhjet që bashkojnë dy kombet, Shqipërinë dhe Izraelin. Për këtë arsye selia blu kërkon dëshkimin e merituar për autorin.
“Partia Demokratike dënon me forcën më të madhe grisjen e flamurit të Izraelit të ngritur në ambasadën e këtij vendi si një akt kriminal ekstremist, antisemit që bie ndesh me ndjenjat dhe lidhjet tradicionale që bashkojnë dy kombet dhe dy vendet tona dhe kërkon ndëshkimin e merituar ligjor të autorit”, shkruan Berisha.
Ngjarja ndodhi gjatë protestës ku mijëra qytetarë u mblodhën në kryeqytet për të kërkuar dorëheqjen e kryeministrit Edi Rama, si edhe largimin e asaj që ata e konsiderojnë si klasën e vjetër politike.
Pamjet e shpërndara në rrjetet sociale tregojnë momentin kur protestuesja ngjitet dhe tërheq flamurin, një veprim që shkaktoi reagime të menjëhershme.
Lidhur me këtë incident reagoi edhe Ministria për Evropën dhe Punët e Jashtme, e cila përmes një deklarate zyrtare dënoi ashpër heqjen dhe përdhosjen e flamurit të Ambasadës së Shtetit të Izraelit në Tiranë.
View this post on Instagram
Sondazh
Lexo gjithashtu
