Deputetja e PS-së, Kiduina Zaka, përmes një postimi në Facebook, ka bërë të ditur se është fyer dhe kërcënuar nga disa profile false në rrjetet sociale.
Zaka shkruan se është e përgatitur dhe se nuk trembet nga fyerjet dhe kërcënimet që i kanë ardhur në rrjetet sociale.
Më tej, ligjvënësja socialiste ka edhe një mesazh për personat që e kanë sulmuar, teksa shprehet se pavarësisht "vrerit" në rrjetet sociale, ajo nuk do të heshtë.
"Prindërit e mi më kanë mësuar të luftoj për të drejtat e mia, të mos hesht vetëm sepse jam grua, të mos stepem para fyerjeve dhe të mos trembem nga kërcënimet.
Ndaj ushtrisë së profileve false që derdh vrer çdo ditë: nuk do të më heshtni! Sepse prindërit e mi nuk më rritën për të ulur kokën. Më rritën për të qëndruar drejt", shkruan Zaka në Facebook.
Sondazh
Lexo gjithashtu
