Pasojat e luftës në Lindjen e Mesme kanë filluar të ndihen dhe në vendin tonë.
Për shkak të situatës së tensionuar në Lindjen e Mesme dhe ndërprerjes së prodhimit të naftës nga Katari, thuhet se nafta mund të arrijë deri në 120 dollarë për fuqi, përafërsisht 11,500 lekë të reja.
Çmimi i naftës në Shqipëri ka arritur deri në 185 lekë për litër, kryesisht në Tiranë e Durrës, por çmim ndryshon në qytetet e tjera. Në Elbasan mësohet se nafta kushton 195 lekë për litër.
Për shkak të ndërprerjes së pordhimit të naftës nga “Qatar Energy”, Evropa përballet me një krizë të përtërirë gazi, ndërsa nivelet e magazinimit bien nën 30%.
Nivelet e gazit në depozita në Bashkimin Evropian janë nën 30%, çmimet referuese të gazit janë më të lartat në më shumë se një vit dhe QatarEnergy sapo mbylli uzinën më të madhe të prodhimit të LNG-së në botë.
Deri më tani mësohet se çmimi referues i gazit natyror i BE-së është rritur deri në 60% që kur Shtetet e Bashkuara dhe Izraeli filluan bombardimet ndaj Iranit.
Bllokimi i Ngushticës së Hormuzit dhe tërheqjet e siguruesve kanë ndikuar në ngadalësimin e transportit të LNG-së, ndërsa BE-ja duhet të sigurojë rreth 67 miliardë metra kub LNG (rreth 700 ngarkesa) për të rimbushur depozitat përpara dimrit.
Distancimi i Evropës nga gazi i tubacioneve ruse sjell një ndërvarje nga LNG-ja e shtrenjtë, veçanërisht nga SHBA-ja, duke shkaktuar kështu kosto më të larta të energjisë për industritë dhe konsumatorët.
Jo vetëm që QatarEnergy ka pezulluar prodhimin e LNG-së dhe ka deklaruar forcë madhore për eksportet, por refuzimi i siguruesve për të ofruar mbulim për anijet që kalojnë Ngushticën e Hormuzit, së bashku me paralajmërimet iraniane se anijet armike do të jenë objektiva legjitime, ka rezultuar në ndërprerje të rënda të trafikut të tankerëve në këtë pikë të pengimit.
