Prokuroria mbyll verifikimet për kryebashkiakun socialist i Mallakastrës Qerim Ismailaj, dhe del në përfundimin se është dënuar në Greqi.
Rasti i Ismailjat u denoncuar nga Partia Demokratike rreth dy vite më parë, ndërsa në përfundim të verifikimeve pretendimet e PD-së kanë rezultuar të vërteta.
Ismailaj ka qenë i dënuar në Greqi me tre vite heqje lirie, për kryerjen e veprimeve të dhunshme, plagosje (rrahje), të cilën e nuk e kishte deklaruar në formularin e dekriminalizimit.
Në përfundim të verifikimeve të prokurorisë, rezultoi se Qerim Ismailaj “Rezulton i dënuar me vendim të formës së prerë, për kryerjen e një vepre penale, nga autoritet gjyqësor i huaj”.
Në përgjigjen që Prokuroria i ka kthyer KQZ thuhet:
“Referuar vendimit 9-11/2000 të Gjykatës së Përbërë nën Betim të Chios, i formës së prerë, rezulton se i akuzuari Qerim Ismailaj (në mungesë në gjykim), është deklarua fajtor dhe është dënuar me 3 (tre) vite burgim për veprën penale të “Konfliktit “Përleshjes”, parashikuar nga neni 313 i Kodit Penal të Republikës së Greqisë, që korrespondon veprës penale të “dëmtime të tjera me dashje” parashikuar nga ne 90/1 të Kodit Penal të Republikës së Shqipërisë, e cila si sanksion parashikon dëni vetëm me gjobë”.
