Presidenti amerikan Donald Trump, deklaroi se Shtetet e Bashkuara kishin “përfunduar luftën” me Iranin sot, teksa më parë tha se të dy palët kishin rënë dakord për një “memorandum shumë të fortë mirëkuptimi” për të ndaluar luftimet, raporton CNN.
“Nuk e di nëse e dëgjuat, por ne i dhamë fund luftës me Iranin sot. Ata kanë rënë dakord të mos kenë kurrë armë bërthamore, diçka për të cilën ne këmbëngulëm; ky ishte i gjithë qëllimi. Ky ishte 95 përqind e saj”, tha Presidenti Donald Trump.
“Marrëveshja është praktikisht e përfunduar dhe do ta nënshkruajmë shumë shpejt, ndoshta gjatë fundjavës. Unë nuk do të jem atje; Zëvendëspresidenti Vance do të përfaqësojë SHBA-në,” shtoi ai.
Kujtojmë se kjo deklaratë e Trump vjen pasi ai anuloi sulmet e parashikuara ndaj Iranit më herët gjatë ditës së djeshme , duke shkruar në Truth Social se ishte arritur një marrëveshje pa detajuar kushtet e saj.
Irani nuk ka konfirmuar se është arritur ndonjë marrëveshje, dhe Trump tha në postimin në mediat sociale se bllokada amerikane e anijeve që dalin ose hyjnë në portet iraniane do të vazhdojë derisa "ky transaksion të finalizohet".
Sondazh
Lexo gjithashtu
