Të paktën tetë persona, përfshirë katër fëmijë, u plagosën në një të shtënë të shtunën vonë (të dielën herët në mëngjes me orën tonë lokale), gjatë festimeve të 4 Korrikut në Coney Island, Neë York.
Sulmi i armatosur ndodhi rreth orës 22:35 në Ëest 30th Street në Brooklyn. Pak më larg është vendi ku ishte zhvilluar një shfaqje fishekzjarrësh për festën kombëtare të SHBA-së më pak se një orë më parë.
Të plagosurit përfshijnë një burrë 33-vjeçar dhe një grua 21-vjeçare që u qëlluan në gjoks, një grua 25-vjeçare dhe një burrë 37-vjeçar që u goditën në shpatull. Dy djem gjashtëvjeçarë u goditën në stomak, një djalë shtatëvjeçar në këmbë ose kofshë, dhe dy djem të tjerë, të moshës 12 dhe 14 vjeç, në pjesë të tjera të trupit.
Të gjithë të dëmtuarit, të cilët ishin në një oborr ku po zhvillohej një barbeque familjare , u dërguan në spitale. Shtatë prej tyre janë në gjendje të qëndrueshme, ndërsa 21-vjeçari raportohet të jetë në gjendje kritike.
Policia tha se gjeti një pistoletë së bashku me 10 gëzhoja, por nuk kishte bërë asnjë arrestim .
Ai tha se një burrë i veshur me të zeza dhe me një maskë të zezë skijimi iu afrua gardhit, qëlloi disa herë në oborr dhe më pas iku në këmbë. Nuk ka asnjë tregues se ka pasur ndonjë grindje në barbeque para të shtënave.
Një vrasje e lidhur me bandat kishte ndodhur kohët e fundit në lagje, por nuk dihet në këtë kohë nëse incidentet janë të lidhura.
Sondazh
Lexo gjithashtu
