Në La Guaira, një godinë e portit është shndërruar në morg të improvizuar, ku familjet presin me orë të tëra për të identifikuar të afërmit e tyre.
Shumë prej tyre kanë kaluar ditë duke kërkuar në spitale, strehimore dhe mes rrënojave, përpara të marrin lajme për të afërmit e tyre.
Bilanci i viktimave nga tërmetet e fuqishme që goditën Venezuelën ka arritur në 2,645 persona të vdekur, sipas njoftimit të fundit të autoriteteve.
Ministria e Informacionit raportoi gjithashtu 12,666 të plagosur dhe rreth 15,000 të mbetur pa strehë. Vetëm një ditë më parë, presidentja e përkohshme Delcy Rodriguez kishte deklaruar se numri i viktimave ishte 2,595.
Për shkak të përmasave të katastrofës, shërbimet vendase janë mbingarkuar dhe trupat e viktimave po vendosen në tenda të përkohshme ose jashtë ambienteve, nën diellin përvëlues.
Ndërkohë, autoritetet shmangin të flasin për numrin e personave të zhdukur, por Kombet e Bashkuara vlerësojnë se mund të jenë deri në 50,000.
Sondazh
Lexo gjithashtu
