Ish-ministri dhe deputeti i PS-së, Arbjan Mazniku, ka reaguar pasi në rrjetet sociale qarkulloi një imazh ku pretendohej se shfaqej një mesazh i tij në WhatsApp, në të cilin kërkohej hapja e llogarive false në rrjetet sociale për të bërë sa më shumë komente.
Mazniku ka publikuar një tjetër imazh, për të cilin thotë se tregon se fotografia e bërë virale në rrjetet sociale është krijuar me Inteligjencë Artificiale (AI).
Në reagimin e tij, ish-ministri ironizon autorët e imazhit, duke shkruar se ata kanë përdorur një aplikacion të dobët për ta sajuar atë.
“Siç mund të vërtetohet lehtësisht, ky imazh është FAKE dhe i bërë me AI. Çuna, keni përdorur një app të lodhur për ta sajuar këtë”, shkruan Mazniku.
Përdorimi i Inteligjencës Artificiale (AI) për krijimin e fotografive, videove dhe dokumenteve të manipuluara është kthyer në një nga sfidat më të mëdha të dezinformimit në rrjetet sociale në vitet e fundit.
Sondazh
Lexo gjithashtu
