Policia e Elbasanit ka arrestuar në flagrancë dy persona të dyshuar për trafikim të lëndëve narkotike.
Sipas njoftimit të policisë, në pranga kanë rënë shtetasit Liridon Gega dhe Alban Biçaku, pasi automjeti me të cilin po udhëtonin, që vinte nga Maqedonia e Veriut, u ndalua për kontroll në aksin rrugor Bulqizë-Librazhd.
Gjatë kontrollit të imtësishëm të furgonit, shërbimet e policisë gjetën rreth 1 kilogram lëndë narkotike heroinë, të fshehur brenda një çante shpine të vendosur në gomën e pasme të automjetit.
Lënda narkotike dyshohet se ishte siguruar nga shtetasi Liridon Gega në Maqedoninë e Veriut dhe më pas ishte futur në Shqipëri përmes kufirit të gjelbër.
Nga veprimet hetimore dyshohet se droga do t’i dorëzohej shtetasit Alban Biçaku, i cili e priste në territorin shqiptar me qëllim shpërndarjen dhe shitjen e saj.
Policia sekuestroi 1 kg të kësaj lënde, shuma parash, 2 celularë dhe furgoni, në gomën e pasme të të cilit, ishte fshehur çanta me lëndën narkotike.
Njoftimi i Policisë:
Elbasan
Strukturat hetimore të DVP Elbasan finalizuan operacionin e koduar "Trajektorja", si rezultat i veprimeve hetimore të ndjekura me metoda speciale dhe të mbikëqyrura nga Prokuroria pranë Gjykatës së Rrethit Gjyqësor Elbasan.
Goditet një rast i trafikimit të lëndës narkotike Heroinë, nga RMV-ja, në Shqipëri.
Sekuestrohen 1 kg të kësaj lënde, shuma parash (në lekë, euro dhe dinarë), 2 celularë dhe furgoni, në gomën e pasme të të cilit, ishte fshehur çanta me lëndën narkotike.
Arrestohen në flagrancë 2 shtetas.
Të arrestuar, shtetasi nga RMV-ja që kishte siguruar Heroinën dhe futur në Shqipëri, nëpërmjet kufirit të gjelbër, si dhe shtetasi që priti lëndën, në Shqipëri, me qëllim shitjen.
Si rezultat i një hetimi me metoda speciale, të mbikëqyrur nga Prokuroria pranë Gjykatës së Rrethit Gjyqësor Elbasan, për dokumentimin e veprimtarisë kriminale të dy shtetasve që dyshohet se do të transportonin me automjet, lëndë narkotike Heroinë, të trafikuar nga RMV-ja, specialistët e Seksionit për Hetimin e Narkotikëve, në bashkëpunim me specialistët e Seksionit për Mbështetjen Operacionale të Hetimit, finalizuan operacionin e koduar “Trajektorja”.
Automjeti i dyshuar, me të cilin lëviznin shtetasi nga RMV-ja, L. G., dhe shtetasi A. B., u ndalua për kontrolle, në aksin rrugor "Bulqizë–Librazhd".
Nga kontrollet e imtësishme, u gjet në një çantë shpine, të fshehur në gomën e pasme të automjetit (furgon), 1 kg lëndë narkotike Heroinë, e cila dyshohet se ishte siguruar nga shtetasi L. G., në Maqedoni të Veriut.
Nga hetimi dyshohet se lënda narkotike ishte trafikuar nga ky shtetas, nëpërmjet kufirit të gjelbër, në Shqipëri, ku e priste me qëllim shitjen, shtetasi A. B..
Në përfundim të veprimeve procedurale u arrestuan në flagrancë shtetasit L. G., 32 vjeç, banues në Strugë dhe A. B., 45 vjeç, banues në Durrës, për veprën penale “Trafikimi i lëndëve narkotike”, kryer në bashkëpunim.
Gjithashtu, u sekuestruan me cilësinë e provës materiale, lënda e dyshuar narkotike, automjeti (furgon) tip “Fiat”, 2 celularë, si dhe 40 000 lekë, 50 euro dhe 290 denarë.
Materialet procedurale iu referuan Prokurorisë së Elbasanit, për veprime të mëtejshme.
Sondazh
Lexo gjithashtu
