Një ngjarje e rëndë është regjistruar në një lagje periferike të qytetit të Korçës, më konkretisht pranë shkollës “Demokracia”, ku dy fqinj janë konfliktuar me njëri-tjetrin.
Pas përplasjes, mësohet se ka mbetur i plagosur rëndë me thikë dy herë në zonën e qafës Rigels Janaqi 42 vjeç, dhe është dërguar për trajtim mjekësor në në reaminacionin e spitalit të Korçës, fillimisht. Por mësohet se i plagosuri është nisur me urgjencë drejt Tiranës, dhe është në rrezik për jetën.
Autori i dyshuar i plagosjes është identifikuar si Gëzim Ramka 54 vjeç dhe është shoqëruar për në komisariat. Paraprakisht dyshohet se të dy personat kanë probleme të shëndetit mendor.
Forcat e policisë kanë mbërritur në vendngjarje dhe po punojnë për zbardhjen e rastit. Sipas raportimeve mësohet se të përfshirët kanë pasur një konflikt të mëparshëm, dhe janë fqinj me njëri tjetrin.
Sondazh
Lexo gjithashtu
