Kryeministri Edi Rama mori pjesë më 7 dhe 8 korrik në Samitin e NATO-s, ku u mblodhën liderët e vendeve anëtare të Aleancës për të diskutuar zhvillimet më të fundit në fushën e sigurisë dhe mbrojtjes.
Në samit ishte i pranishëm edhe presidenti i Shteteve të Bashkuara të Amerikës, Donald Trump, i cili gjatë deklaratës së tij u shpreh se SHBA do të vazhdojë të mbështesë Aleancën dhe të kontribuojë në forcimin e kapaciteteve të saj ushtarake.
Në përfundim të punimeve, Sekretari i Përgjithshëm i NATO-s, Mark Rutte, njoftoi se samiti i ardhshëm i Aleancës do të zhvillohet në Tiranë, duke e vendosur Shqipërinë në qendër të vëmendjes ndërkombëtare.
Pas mbylljes së samitit, kryeministri Rama ka ndarë në rrjetet sociale një album me disa nga momentet më domethënëse të dy ditëve të takimeve. Në fotografitë e publikuara ai shfaqet përkrah disa prej liderëve më të rëndësishëm botërorë.
Mes tyre bie në sy edhe një foto me presidentin e Turqisë, Recep Tayyip Erdogan si dhe një tjetër me kryeministren italiane, Giorgia Meloni, me të cilën Rama ruan prej kohësh një marrëdhënie të afërt. Vetë kreu i qeverisë shqiptare e ka cilësuar më herët Melonin si "motrën e vogël".
Në album nuk mungojnë as momentet e takimeve dhe shtrëngimeve të duarve me liderë të tjerë evropianë, mes tyre edhe kryeministri i Hungarisë, Peter Magyar.
Sondazh
Lexo gjithashtu
