Aktivisti Edison Lika është shoqëruar nga efektivët e Policisë së Shtetit gjatë protestës së zhvilluar këtë të enjte pranë Kuvendit, teksa ishte duke raportuar në një lidhje të drejtpërdrejtë për televizionin News24.
Në intervistën live, Lika po komentonte zhvillimet e protestës dhe pretendonte se forcat e policisë kishin përdorur forcë në mënyrë disproporcionale ndaj protestuesve. Në ato momente, pranë tij kaluan efektivë të Njësisë Speciale "Shqiponja" dhe punonjës të Komisariatit Nr. 4.
Sipas pamjeve të transmetuara drejtpërdrejt, aktivisti drejton kamerën në drejtim të tyre, ndërsa dëgjohet një prej efektivëve t'u thotë kolegëve: "O çuna, merreni këtë!" Menjëherë më pas, transmetimi ndërpritet dhe kamera fiket. Në rrjetet sociale dhe media janë publikuar pamje që tregojnë momentin kur Lika shoqërohet nga efektivët drejt ambienteve të Komisariatit Nr. 4. Deri më tani, Policia e Shtetit nuk ka dhënë një reagim zyrtar mbi arsyet e shoqërimit të aktivistit.
Video Credits: News24
Sondazh
Lexo gjithashtu
