Analisti dhe gazetari i njohur Ilir Demalia është dhunuar mesditën e kësaj të mërkure në Tiranë. Siç shihet dhe nga pamjet, ai ka marrë dëmtime në pjesën e syrit të djathtë dhe është dërguar me urgjencë në spital.
Gazetari Bledi Mane ka publikuar fotografitë, por nuk dihet shkaku dhe rrethanat e ngjarjes që ka ndodhur në mes të Tiranës.
Pritet që për rastin të reagojnë edhe blutë e kryeqytetit, të cilët do të pyesin analistin për personin apo personat që e kanë dhunuar, në momentin që sapo ka dalë nga apartamenti i tij në Tiranë.
"Dhunohet sapo del nga shtëpia e tij në Tiranë analisti 67 vjeçar Ilir Demaliaj, ky i fundit shtetas shqiptar dhe amerikan është tepër aktiv me daljet e tij në ekranet televizive dhe podcaste të ndryshme", shkruan Bledi Mane.
Ndërkohë, newsbomb.al mëson se kanë qenë dy persona që e kanë sulmuar analistin Ilir Demalia, sapo ai ka dalë nga apartamenti i tij. Menjëherë, ai ka njoftuar shërbimet e Komisariatit Nr.3 dhe shërbimin e urgjencës mjekësore.
Sondazh
Lexo gjithashtu
