Tri gra, njëra prej tyre shtatzënë, u sulmuan me thikë pranë një stacioni tramvaji në veri të Parisit, duke shkaktuar panik në zonë.
Sulmi ndodhi në mes të rrugës dhe dyshuari, 31 vjeç, akuzohet se goditi viktimat me dy thika kuzhine. Dy prej grave u dërguan në spital në gjendje të rëndë, ndërsa e treta pësoi lëndime më të lehta. Viktimat kanë moshat 19, 24 dhe 36 vjeç.
Dëshmitarë të pranishëm treguan momente frike, duke përshkruar se si autori kaloi në rrugë duke goditur njerëz njëri pas tjetrit.
"E pamë të kalonte me dy thika dhe të godiste tre veta. Pastaj një djalë i ri e goditi me çantën dhe e rrëzoi për tokë," rrëfyen ata.
Ndërhyrja e shpejtë e një kalimtari bëri që sulmuesi të rrëzohej, ndërsa një polic që ndodhej rastësisht jashtë orarit të shërbimit arriti ta neutralizonte dhe ta arrestonte menjëherë.
Hetuesit ende nuk kanë konfirmuar identitetin e plotë të autorit, as motivin e sulmit. Ministri francez i Brendshëm, Laurent Nunez, kërkoi kujdes ndaj nxjerrjes së konkluzioneve të nxituara, teksa hetimet vazhdojnë.
Sipas dëshmive dhe pamjeve nga vendi i ngjarjes, agjencia Reuters bëri të ditur se i dyshuari është dëgjuar të shqiptojë një fjali që lidhet me motivim fetar menjëherë pas sulmit. “Allahu më urdhëroi ta bëj këtë”.
Zyra Antiterroriste franceze ka nisur procedurat e parashikuara nga Prokuroria e Parisit, me qëllim që të përcaktohet nëse ngjarja përbën akt terrorist apo ka shkaqe të tjera.
Sondazh
Lexo gjithashtu
