Hapësire reklamuese

Teknologji

Sulm kibernetik në tregun e kriptovalutave në Turqi, hakerat marrin 51 milionë euro

Shkruar nga Newsbomb
Sulm kibernetik në tregun e kriptovalutave në Turqi, hakerat marrin 51
Monedha dixhitale, Bitcoin

Tregu më i madh i kriptovalutave në Turqi BtcTurk është hakuar mesditën e sotme. Sipas një analisti të njohur të Bitcoin shuma e parave të vjedhura pretendohet se arrin në vlerën e afro 51 milionë eurove.

“Ekipet tona kanë zbuluar se ka pasur një sulm kibernetik në platformën tonë më 22 qershor të vitit 2024, i cili ka bërë që të përpunohen tërheqjet e pakontrolluara. Vetëm disa nga bilancet në kuletat e nxehta të 10 kriptovalutave u prekën nga sulmi kibernetik në fjalë dhe kuletat tona të ftohta ku mbahen shumica e aseteve, janë të sigurta”, thuhet në deklaratën e BtcTurk.

Bëhet e ditur se një kuletë e nxehtë përmban kriptovaluta që janë gjithmonë të lidhura me internetin ose një pajisje tjetër, ndërsa një kuletë e ftohtë është ajo që është jashtë linje dhe aq e sigurt nga hakerët, shkruan euroneës, përcjell Telegrafi.

Fuqia financiare e BtcTurk është shumë më e lartë se shumat e prekura nga ky sulm dhe asetet e përdoruesve nuk do të preken nga këto humbje”,- shtoi tregu i kriptovalutave.

Siç raportohet, në lidhje me hakimin është duke u kryer një hulumtim i detajuar.

Si një masë paraprake, depozitat dhe tërheqjet e kriptovalutave janë ndalur dhe do të vihen në dispozicion për përdorim sapo të përfundojë puna jonë. Ju falënderojmë për mirëkuptimin gjatë këtij procesi dhe ju njoftojmë se do të ndajmë me ju të gjitha zhvillimet lidhur me këtë çështje”,- përfundoi BtcTurk.

Përdorimi i kriptovalutave në Turqi filloi të rritet me shpejtësi pas vitit 2020 si një mbrojtje kundër një rënie të thellë të vlerës së monedhës vendase, lirës.

Turqia është tregu i katërt më i madh i tregtimit të kriptove në botë. Faruk Fatih Ozer, themeluesi i Thodex, një nga shkëmbimet më të mëdha të kriptove në Turqi që doli të ishte një mashtrim, u burgos vitin e kaluar për mashtrim të investitorëve.

Sondazh

Poll

Lexo gjithashtu

Hapësire reklamuese