WhatsApp po sjell disa veçori të reja në përditësimin e tij më të fundit, duke përfshirë një mjet për formatimin automatik të tekstit që synon të përmirësojë eksperiencën e përdoruesit.
Kjo veçori, e cila është e disponueshme për disa përdorues beta përmes përditësimit për Android 2.24.23.9, shton automatikisht nënvizime në lidhjet, duke i bërë ato më të lehta për t'u dalluar nga pjesa tjetër e tekstit, raporton WABetaInfo.
Përveç nënvizimit të lidhjeve, përditësimi bën më të dukshme përmendjet në grup, duke i dhënë atyre rëndësi më të madhe brenda bisedave. Ky format i ri nga Mark Zuckerberg siguron që mesazhet kyçe të duken qartë, duke u mundësuar përdoruesve t'i identifikojnë ato me lehtësi.
Një tjetër risi është formati i veçantë për numrat e telefonit, që tani vijnë të nënvizuar dhe të theksuar, duke lehtësuar identifikimin dhe ndërveprimin me ta në biseda dhe grupe. Kjo veçori e re i bën elementet e klikueshme si lidhjet dhe numrat e telefonit të dallohen qartë, ngjashëm me hiperlinks që përdoren në internet, duke e bërë tekstin më interaktiv dhe të thjeshtë për përdoruesit.
WhatsApp planifikon që kjo veçori e re e formatimit automatik të tekstit të jetë e disponueshme për një numër më të gjerë përdoruesish në javët e ardhshme, duke e bërë komunikimin në platformë më të lehtë dhe të qartë.
Sondazh
Lexo gjithashtu
