Një moment i pazakontë ka ndodhur gjatë transmetimit të fundit të emisionit “Top Arena”.
Menjëherë pas përfundimit të intervistës me të ftuarën Valbona Mhilli, moderatori Edi Manushi iu drejtua Mateo Borrit, duke shprehur shqetësimin për gjendjen e tij shëndetësore.
“O zotëri, jam i shqetësuar për shëndetin tënd, ti gjithë kohës qesh. Je mirë tani? Do vazhdosh apo do shkëputesh?”, e pyeti Manushi.
Mateo u përgjigj shkurt se do të qëndronte në studio deri në publicitet, por moderatori ndërhyri menjëherë, duke vendosur ta largonte nga emisioni për të pushuar.
“Do ta bëjmë që tani? Hajde Mateo, hajde një duartrokitje, e përcjellim Mateon. Faleminderit. Është pa qejf pavarësisht buzëqeshjes”, tha Manushi.
Më pas, ai iu drejtua stafit në prapaskenë, duke kërkuar që të kujdeseshin për Mateon dhe ta shoqëronin drejt shtëpisë.
Deri më tani nuk është bërë e ditur se cili ishte problemi shëndetësor që e detyroi Borrin të largohej nga studio.
Sondazh
Lexo gjithashtu
Për çfarë nuk do ta falte Gjestin? Xheneta bën deklaratën e papritur
Momente lumturie për ish-banoren e BBV, Juliana në pritje të ëmbël të binjakëve
