Një tjetër humbje është shënuar në Maqedoninë e Veriut, 24 orë pas tragjedisë së mëngjesit të së dielës ku 59 të rinj humbën jetën pasi zjarri përfshiu ambientet e diskotekës “Plus”.
Mediat vendase bëjnë me dije se mëngjesin e sotëm ka humbur jetën shoferi i ndihmës së shpejtë, shtetasi Ile Gocevski.
Përgjatë gjithë natës së kaluar ai ishte në gatishmëri duke transportuar nga diskoteka në spital të plagosurit.
Kujtojmë që ngjarja e rëndë ndodhi gjatë orëve të para të mëngjesit të së dielës. Papritur zjarri përfshiu diskotekën ku ndodheshin 1500 të rinj. Për shkak të zjarrit u plagosën 155 persona dhe humbën jetën 59 të tjerë.
Sipas dëshmitarëve okularë, diskoteka kishte vetëm një dalje, e cila ishte tepër e vogël duke i penguar daljen e njerëzve, ndërkohë që zjarri u përhap me shpejtësi të frikshme.
Sondazh
Lexo gjithashtu
