Një model iPhone 3, është shitur për 190 mijë e 372 dollarë në një ankand të hënën. Telefoni, shitja e të cilit u drejtua nga LCG Auctions, mori 28 oferta në total dhe u shit me gati 400-fish të çmimit të tij origjinal në lançimin e vitit 2007. Atëherë kushtonte rreth 600 dollarë.
Bëhet fjalë për modelin 4GB, të cilin faqja zyrtare e LCG Auctions e quajti si një "model jashtëzakonisht i rrallë, i mbyllur në fabrikë, i lëshimit të parë 4 GB në gjendje të jashtëzakonshme. Praktikisht i përsosur përgjatë sipërfaqes dhe skajeve, vula e fabrikës është e pastër me detaje të sakta të tegelit dhe ngushtësi".
Celulari pritej të kapte oferta prej 50 mijë deri në 100 mijë dollarë, por arriti të thyente të gjitha rekordet e mëparshme. I lëshuar për herë të parë në 2007 nga CEO i atëhershëm i “Apple”, Steve Jobs, gjigandi i teknologjisë mori vendimin për të ndërprerë modelin 4 GB vetëm dy muaj pasi u lançua, për shkak të shitjeve të vonuara.
Shumica e njerëzve vendosën të blinin modelin 8 GB, i cili u lançua në të njëjtën kohë dhe u dha përdoruesve dyfishin e memorjes, për vetëm 100 dollarë më shumë.
Në vitin 2011, bashkëthemeluesi i Apple vdiq në moshën 56-vjeçare pasi vuante nga kanceri i pankreasit. Apple tha se ai kishte qenë burimi i risive të panumërta që pasurojnë dhe përmirësojnë të gjithë jetën e individëve dhe e kishin bërë botën më të mirë.
