Prokurorët turq kanë nisur një hetim ndaj njërit prej manjatëve më të shquar të vendit, pasi ai bëri një shaka të çuditshme — një veprim gjyqësor që kritikët thanë se rrezikonte të dëmtonte më tej besimin e biznesit, pikërisht në një kohë kur Ankaraja kërkon të tërheqë më shumë kapital të huaj.
Rahmi Koç, kryetari nderi 95-vjeçar i Koç Holding, konglomeratit më të madh të Turqisë, shkaktoi polemika kur tregoi një barsoletë me subjekt një grua kurde, në hapjen e njërit prej spitaleve të grupit në Izmir javën e kaluar.
Koç Holding, e themeluar një shekull më parë, ka interesa që variojnë nga energjia dhe financat deri te prodhimi i makinave dhe kujdesi shëndetësor, dhe konsiderohet gjerësisht si një themel i establishmentit të biznesit të Turqisë dhe elitës laike, e cila nganjëherë është në kundërshtim me llojin e nacionalizmit islamik të Presidentit Rexhep Tajip Erdogan.
«Imagjinoni nëse Departamenti i Drejtësisë i SHBA-së do të hapte një hetim ndaj Elon Musk, Ëarren Buffett ose Richard Branson nëse ata do të bënin një shaka», tha Bilal Bilici, një anëtar i parlamentit për Partinë Republikane Popullore të opozitës. «Kjo tregon se sa kapriçioz dhe arbitrar mund të jetë sundimi i ligjit në Turqi».
Pamjet që u bënë virale në mediat sociale tregojnë Rahmi Koç, 95 vjeç, duke qeshur me ish-kryeministrin Binali Yıldırım, 70 vjeç, pasi tregoi një shaka për një grua kurde që po fliste me një mjek për një vizitë mjekësore.
Kur mjeku i tha gruas së mbuluar të zhvishej pas një perdeje, ajo u përgjigj: "Doktor, zhvishu ti i pari."
Komentet shkaktuan një stuhi reagimesh në një kohë tensionesh të larta politike në Turqi, pjesërisht të lidhura me përpjekjet për të arritur një marrëveshje paqeje të qëndrueshme me militantët kurdë. Sipas kritikëve, barsoleta tenton të paraqesë gruan kurde të pashkolluar për të kuptuar rregullat më të thjeshta të jetës së përditshme.
Prokurorët në Izmir, qyteti i tretë më i madh i Turqisë dhe vendi ku do të ndërtohet spitali i ri Koç me vlerë 150 milionë dollarë, hapën me shpejtësi një hetim ex officio për një vepër të dyshuar penale të “fyerjes publike të një segmenti të publikut”.
Zyrtarë të lartë qeveritarë gjithashtu dhanë mendimin e tyre. Ministri i Drejtësisë Akın Gürlek tha gjatë fundjavës se "peshoret e drejtësisë nuk peshojnë sipas pasurisë, titullit apo statusit të askujt".
Sondazh
Lexo gjithashtu
