Forcat e Komandës Qendrore Amerikane, (CENTCOM) kanë nisur një valë sulmesh kundër Iranit, duke ndjekur udhëzimet e Presidentit të SHBA-së Donald Trump, pasi Presidenti deklaroi se Teherani kishte rrëzuar një helikopter amerikan Apache në Ngushticën e Hormuzit.
“Ata rrëzuan një helikopter dhe ne po përgjigjemi në këtë moment,” tha Trump për ABC News. “Besoj se përgjigjja duhet të jetë shumë e fortë, shumë e fuqishme, dhe pikërisht kjo është.”
Sipas raportimit të mediave të huaja, sulmet amerikane kanë synuar bazat detare iraniane të Sirik dhe Jask si dhe bateritë raketore bregdetare në Minab dhe Qeshm dhe portin e Qeshm, ky i fundit nddhet në Ngushticën e Hormuzit.
Kurse Irani ka lëshuar të paktën katër raketa balistike dhe dronë në bazat amerikane në Bahrein, Kuvajt dhe Jordani në përgjigje të rifillimit të sulmeve amerikane. Trupat e Gardës Revolucionare Islamike sulmuan bazën ajrore Muwaffaq Salti në Azraq, Jordani, me raketa me rreze të gjatë veprimi, duke goditur katër objektiva kyçe, duke përfshirë hangarët e avionëve luftarakë F-35 dhe një qendër kontrolli.
Teksa sipas ushtrisë kuvajtiane, mbrojtja ajrore e vendit ka goditur "objektiva ajrore armiqësore". "Shtabi i Përgjithshëm i Ushtrisë njofton se sistemet e mbrojtjes ajrore të Kuvajtit aktualisht po godasin objektiva ajrore armiqësore në përputhje me procedurat e përcaktuara operative", tha ushtria kuvajtiane në një postim në X.
Sondazh
Lexo gjithashtu
