Zona të ndryshme të Iralndës së Veriut janë përfshirë në një valë protestash dhe incidentesh gjatë mbrëmjes së djeshme, kjo pas arrestimit dhe akuzimit të një 30-vjeçari sudanez për tentativë vrasjeje lidhur me një sulm me thikë të ndodhur në Belfast, ku një person mbeti i plagosur rëndë.
Më e tensionuar situata u paraqit në Belfast, ku protestat degraduan në akte vandalizmi dhe zjarrvënie. Në zonen e Neëtoënards Road në lindje të qytetit, protestuesit i vunë flakën një autobusi dhe disa shtëpive aty pranë. Shërbimet e emergjencës ndërhynë për të shpëtuar një familje që ndodhej brenda një prej shtëpive të prekura nga zjarri.
Incidente të ngjashme u raportuan edhe në veri të Belfastit, pranë Crumlin Road, ku disa banesa u sulmuan dhe u dogjën. Sipas pastorit Jack McKee, i cili ndodhej në vendngjarje, familje me origjinë afrikane u detyruan të largoheshin nga shtëpitë e tyre për shkak të ngjyrës së lëkurës.
“Po nxirren nga shtëpitë e tyre, po sulmohen dhe po u thyhen dritaret vetëm sepse janë me ngjyrë. Janë njerëz të mirë dhe pjesë e komunitetit prej shumë vitesh”, deklaroi ai.
Edhe në zona të tjera të vendit u përhap dhunë, pasi disa automjete u dogjën në Neëtoënabbey, një makinë policie u shkatërrua nga flakët në Portadoën, ndërsa një berberhane turke u sulmua në Ballyclare.
Ndërsa në disa qytete të tjera protestat u zhvilluan në mënyrë paqësore. Ngjarjet janë dënuar ashpër nga drejtuesit politikë të Irlandës së Veriut. Kryeministrja Michelle O’Neill e cilësoi dhunën si “banditizëm të hapur” dhe dënoi sulmet ndaj familjeve. “Grupe burrash të maskuar që djegin familjet në shtëpitë e tyre nuk janë asgjë tjetër veçse frikacakë të neveritshëm”, deklaroi ajo.
Sondazh
Lexo gjithashtu
