“SHBA nuk parashikon ndërmarrjen e veprimeve të tjera ndaj Venezuelës”, është deklarata e sekretarit të Shtetit amerikan Marco Rubio, deklaron senatori republikan Mike Lee.
Lee tha se Rubio i ka konfirmuar që presidenti venezuelian ndodhet në paraburgim në SHBA dhe se do të gjykohet në Shtetet e Bashkuara për një sërë veprash penale, ndërsa shton se operacioni i zhvilluar ditën e sotme ishte për të mbrojtur skuadrën që do të kryente ekzekutimin e urdhrit.
“Sapo e mbylla telefonin me @SecRubio
Ai më informoi se Nicolás Maduro është arrestuar nga personeli amerikan për t'u gjykuar për akuza penale në Shtetet e Bashkuara, dhe se veprimi kinetik që pamë sonte u ndërmor për të mbrojtur ata që ekzekutojnë urdhrin e arrestit”, shkruan Lee në postimin e tij në Twitter.
Sakaq, operacioni i zhvilluar në Venezuelë është dënuar nga Irani dhe Rusia. Irani e dënoi sulmin, duke e quajtur atë një "shkelje flagrante të sovranitetit kombëtar dhe integritetit territorial të" Venezuelës, sipas agjencisë së lajmeve AFP.
Ministria e jashtme e Rusisë akuzoi SHBA-në për "një akt agresioni të armatosur kundër Venezuelës. Kjo është thellësisht shqetësuese dhe e dënueshme" në një deklaratë, sipas agjencisë së lajmeve Reuters.
“Pretekstet e përdorura për të justifikuar veprime të tilla janë të pabaza”, thuhet në deklaratë, duke shtuar një thirrje për parandalimin e “përshkallëzimit të mëtejshëm”, dialogut dhe duke mbështetur thirrje të tjera për një takim urgjent të Këshillit të Sigurimit të OKB-së.
Sondazh
Lexo gjithashtu
