Skënder Hita do të jetë kryepolici i ri i Shqipërisë, pas vendimit të Këshillit të Ministrave, të miratuar në mbledhjen e sotme. Ai ka marrë "dritën jeshile" nga kryeministri Edi Rama, pas procesit disa javor që është zhvilluar nga Ministria e Brendshme.
Lajmin e jep zyrtarisht dhe ministri Besfort Lamallari, i cili publikon fotografinë e Skënder Hita dhe konfirmon se drejtori i Policisë Vendore Fier, tashmë është graduar si drejtor i Përgjithshëm i Policisë së Shtetit.
"Skënder Hita ka rezultuar ndër kandidatët më të vlerësuar nga një proces konkurrues, duke dëshmuar përvojë të spikatur, vizion të qartë strategjik dhe angazhim të palëkundur ndaj ligjit dhe qytetarëve", shkruan ministri.
Në fakt, gjatë ditëve të fundit ka pasur raportime se Skënder Hitaj do të ishte kryepolici i ri i Shqipërisë, për shkak të aftësive dhe integritetit të lartë, si dhe rezultateve të arritura ndër vite, si drejtues në disa qarqe, më së fundmi Durrësi dhe Fieri.
"Sot në mbledhjen e Këshillit të Ministrave miratuam vendimin për dhënien e gradës Drejtues Madhor dhe emërimin e Drejtorit të Përgjithshëm të Policisë së Shtetit, z.Skënder Hita. Ky është një vendim i bazuar në meritë, profesionalizëm dhe integritet.
Skënder Hita ka rezultuar ndër kandidatët më të vlerësuar nga një proces konkurrues, duke dëshmuar përvojë të spikatur, vizion të qartë strategjik dhe angazhim të palëkundur ndaj ligjit dhe qytetarëve.
Policia e Shtetit ka një rol kyç në garantimin e rendit dhe sigurisë publike. Prandaj, drejtimi i saj kërkon jo vetëm aftësi profesionale, por edhe ndershmëri, etikë dhe përgjegjësi të lartë publike.
Jam i bindur se, nën drejtimin e tij, Policia e Shtetit do të vijojë të forcojë performancën, të rrisë besimin e qytetarëve dhe të përmbushë me përkushtim misionin e saj në shërbim të sigurisë dhe shtetit të së drejtës", shkruan ministri Besfort Lamallari.
Sondazh
Lexo gjithashtu
