Hapësire reklamuese

Aktualitet

“Po unë e vrava!” Azgan Mernica pa iu "dridhur qerpiku” pranon krimin

Shkruar nga Newsbomb
“Po unë e vrava!” Azgan Mernica pa iu "dridhur
Azgan Mernica ne momentin kur u dorezua

Azgan Mernica, autori i vrasjes së efektivit të “ Shqoponjave” Novruz Cenaliajt u vetëdorëzua në polici mbrëmjen ne 15 majit, pas negociatave të RENEA-s me familjarët.

Duke buzëqeshur dhe me uratat e porositë e familjarëve vrasësi i efektivit u vetëdorëzua në Komisariatin e Policisë së Fierit aty ku dhe ka dhënë dëshminë.

Burime për mediat bëjnë me dije se 23-vjeçari ka pranuar krimin para hetuesve.

 “Po unë e vrava”, mësohet të ketë thënë i riu i cili mesditën e së hënës ekzekutoi me një plumb në kokë efektivin e “ Shqiponjave”.

Në dëshminë e tij i riu ka deklaruar se teksa po lëvizte me automjet ku pasagjere kishte nënën e tij, është ndeshur në rrugën e fshatit me automjetin i cili po drejtohej nga polici Nevruz Cenalia.

Sipas 23-vjeçarit në një moment ka kuptuar dhe ka parë që polici ia ka bërë me dorë dhe kam menduar që e ka sharë dhe ofenduar. Në këtë moment i riu ka treguar se ka dalë jashtë makinës për t’u sqaruar dhe ka parë që polici ka afruar dorën te arma e shërbimit. Për këtë arsye 23-vjeçari tha se e ka qëlluar pasi mendoi se efektivi do e vriste.

Newsbomb mbrëmjen e djeshme solli videon e momentit kur Azgzan Mernica hipi në makinë për t’u vetëdorëzuar. Në video ai shihej mjaft i qetë, i buzëqeshur dhe aspak i penduar për krimin makabër që kreu tre ditë më parë.

 
 
 
 
 
View this post on Instagram
 
 
 
 
 
 
 
 
 
 
 

A post shared by @newsbomb_albania

Po ashtu kanë habitur edhe familjarët të cilët kanë për të filmuar momentin, por disa dëgjohen duke i uruar rrugë të mbarë, e një tjetër dëgjohet t'i thotë: “vdeksha unë...”, ndërkohë që ditën e djeshme familjarët kanë përcjellë për në banesën e fundit djalin e tyre, efektivin Novruz Cenalia, i cili u vra nga 23-vjeçari me plumb në kokë, pas një debati në rrugë.

“Azgan vdeksha unë.. Hajt rrugë e mbarë! Zoti para”, dëgjohet duke thënë një nga familjarit e vrasësit të efektivit.

Ndërsa një tjetër dëgjohet duke thënë: “hip e ti në makinë të lutem”. Në një tjetër moment dëgjohet një burrë që i thotë: “Po të luajti njeri atje brenda”, ndërsa shoferi që drejton mjetin dëgjohet t’i thotë: “është në besën time”

Azgan alias Asllan Mernica u vetëdorëzua mbrëmjen e së mërkurës (15 Maj), dy ditë pas krimit të rëndë, pas negociatave të policisë me familjarët e autorit.

Prej 13 majit i riu ishte kthyer në shqiptarin më të kërkuar në vendin tonë. Mesditën e së hënës në fshatin Baltëz të Fierit, ai vrau me një plumb në kokë efektivin e “Shqiponjave”, Novruz Cenalian. Sipas policisë, sherri midis tyre ka nisur për arsye banale, konkretisht për parakalim në rrugë, i cili pastaj ka agravuar në përdorimin e armës nga Mernica.

Pasi qëlloi për vdekje 28-vjeçarin, i riu u largua menjëherë nga vendi i ngjarjes. Pas atij momenti një operacion i gjerë u shtri në të gjithë fshatrat panë Baltëzës, në hyrje/daljet e Fierit dhe ato të qyteteve të tjera.

Ndërkohë, theksojmë se Prokuroria më herët ngriti 2 akuza për 23-vjeçarin për veprat penale “Vrasja e punonjësve të Policisë së Shtetit” dhe “Mbajtja pa leje dhe prodhimi i armëve, armëve shpërthyese dhe i municionit”

Sondazh

Poll

Lexo gjithashtu

Hapësire reklamuese