Ndërsa drejtori i Policisë Tiranë, Tonin Vocaj po mbante konferencën për shtyp mbi identifikimin e autorëve të dhunës barbare ndaj avokatit Sokol Mëngjesi, një nga autorët është vetëdorëzuar.
Dorian Alia, një nga autorët kryesorë të sulmit mëngjesin e sotëm ndaj avokatit është vetëdorëzuar pak minuta më parë në komisariatin e Tiranës.
Tre autorët e tjerë janë identifikua si Romario Tabaku, Drivald Alia si dhe Elton Kasaj të cilët nuk janë paguar për të kryer sulmin, por kanë lidhje krushqie me njëri-tjerin. Ndërsa organizator i këtij sulmi dhe urdhërues sipas policisë është Dritan Jani Nano.
Ngjarja e rëndë është regjistruar mëngjesin e kësaj të mërkure rreth orës 08:50 minuta në rrugën “Pjetër Bogdani”, në ish-Bllok teksa avokati Mëngjesi sapo kishte lënë djalin e tij në kopësht.
Katër personat e sulmuan dhe dhunuar barbarisht duke e goditur me levë në kokë. Kanë qenë banorët në ish-bllok që kanë parë ngjarjen dhe kanë njoftuar policinë.
Ndërsa policia ka identifikuar autorët dhe organizatorin e sulmit, Dritan Jani Nano, gjendja e avokatit është e rëndë dhe prej meditës së kësaj të mërkure ndodhet në Intubim.
Sondazh
Lexo gjithashtu
