Gjigandi i mediave sociale “Meta” ka njoftuar se për platformën e Instagram-it do të fillojë testimin e një filtri që detekton fotot “nudo” për të ruajtur përdoruesit nga abuzimet në rrjetet sociale nëpërmjet këtyre fotove. Ky abuzim, është një formë shantazhi që përfshin foto intime të dërguara në internet midis përdoruesve, ku shantazhuesit kërcënojnë viktimat për publikim të imazheve në rrjetet sociale.
Mjetet që do të testohen përfshijnë "mbrojtjen nga lakuriqësia", e cila turbullon imazhet e zhveshura në mesazhet e drejtpërdrejta. Ai do të aktivizohet si parazgjedhje për moshat nën 18 vjeç.
Sistemi i ri i mbrojtjes, i publikuar për herë të parë në janar të këtij viti, thuhet se përdor inteligjencën artificiale (IA) që funksionon tërësisht në pajisjen e përdoruesit për të zbuluar imazhet “nudo” në mesazhet direkte dhe për t'u dhënë përdoruesve një zgjedhje nëse do t'i shikojnë ato.
Ai është krijuar “jo vetëm për të mbrojtur njerëzit nga shikimi i lakuriqësisë së padëshiruar në “DM”-të e tyre, por edhe për t'i mbrojtur ata nga mashtruesit që mund të dërgojnë imazhe nudo për të mashtruar njerëzit që të dërgojnë imazhet e tyre në këmbim", tha Instagram.
Por Instagram thekson se sistemi, i cili është i zgjedhur për të rriturit, nuk i raporton automatikisht imazhet nudo kompanisë, megjithëse përdoruesve do t'u kujtohet se mund të bllokojnë dhe raportojnë llogaritë nëse dëshirojnë.
Platforma tani thotë se do të vendosë gjithashtu masa që zbulojnë shenja se një përdorues mund të jetë potencialisht një agresor dhe e bëjnë më të vështirë për ta që të ndërveprojë me të tjerët.
Ndërkohë që përdoruesit do të njoftohen me një mesazh që të mos ndihen nën presion për tu përgjigjur në rastin kur në “DM” e tyre mbërrijnë imazhe që përmbajnë foto “nudo”. Gjithashtu ato do të kenë një opsion për të bllokuar dërguesin e këtij mesazhi ose për të raportuar bisedën.
Në momentin që filtri është i aktivizuar, njerëzit që dërgojnë imazhe që përmbajnë foto nudo do të shohin gjithashtu një mesazh që u kujton atyre të jenë të kujdesshëm kur dërgojnë përmbajtje delikate duke iu dhënë mundësinë që t’i anulojnë ato.
