Duke filluar që prej janarit të vitit 2027 fëmijët nën 15 vjeç në Francë e kanë të ndaluar të përdorin rrjetet sociale, këtë e parashikon ligji i miratuar nga Parlamenti i Francës së fundi, duke u bërë kështu vendi i parë në Europë që bllokon aksesin e të rinjve nga platform.
Sipas ligjit të gjithë në Francë duhet të verifikojnë moshën e tyre për të hyrë në mediat sociale dhe vjen në një kohë kur Mbretëria e Bashkuar dhe BE po zhvillojnë kufijtë e tyre në përgjigje të shqetësimeve për shëndetin mendor të fëmijëve. Presidenti francez Emmanuel Macron e ka mirëpritur këtë veprim, të cilin ai ishte zotuar ta paraqiste për të shënuar fundin e dekadës së tij në detyrë.
Ndërsa skeptikët kanë vënë në pikëpyetje qëndrueshmërinë e ligjit, qeveria ka këmbëngulur që mjetet online për të vënë në vend kontrollet e moshës janë efektive dhe të sigurta.
Në janar të vitit 2027, ky rregull do të zbatohet për të gjitha llogaritë ekzistuese, që do të thotë se të gjithë në Francë do të duhet të vërtetojnë se janë mbi 15 vjeç për të përdorur mediat sociale.
Sapo të hyjë në fuqi ndalimi, platformat e mediave sociale do të duhet të përdorin mjete për verifikimin e moshës të miratuara nga rregullatori francez i privatësisë.
Sondazh
Lexo gjithashtu
