Izraeli ka nisur sot një sulme me raketa drejt kryeqytetit të Iranit, Teheran, me mediat ndërkombëtare që raportojnë se zona është mbuluar nga tymi. Sulmi ka ndodhur në qendër të Teheranit, por nuk ishte e qartë se cili ishte objektivi.
Sulmi vjen ndërsa Shtetet e Bashkuara kanë dërguar një flotë të madhe avionësh luftarakë dhe anijesh luftarake në rajon për të provuar të ushtrojnë presion mbi Iranin për një marrëveshje mbi programin e tij bërthamor.
Ministri izraelit i Mbrojtjes, Israel Katz, e përshkroi sulmin si të kryer “për të larguar kërcënimet”. Ai nuk dha menjëherë detaje të mëtejshme. Në Teheran, dëshmitarët dëgjuan shpërthimin, ndërsa televizioni shtetëror iranian raportoi më vonë për shpërthimin, pa dhënë një shkak.
Sirenat u dëgjuan në të gjithë Izraelin në të njëjtën kohë. Ushtria izraelite tha se kishte lëshuar një “alarm proaktiv për të përgatitur publikun për mundësinë e lëshimit të raketave drejt shtetit të Izraelit”.
Presidenti Donald Trump pranoi të premten se po përballej me një zgjedhje të vështirë se si të vepronte me Iranin, pasi përpjekjet diplomatike kanë rezultuar të pakënaqshme. Sipas tij, vendimi nuk ishte “i lehtë” dhe se Irani kishte kohë që ishte i përfshirë në sjellje të liga.
«Kemi një vendim të madh për të marrë», i tha ai një turme në Corpus Christi të Teksasit, ku po promovonte axhendën e tij për energjinë.
“Ata duan të bëjnë një marrëveshje, por duhet të bëjnë një marrëveshje kuptimplote”, tha presidenti. Ai tha se ishte konsultuar me dy senatorët republikanë të Teksasit, Ted Cruz dhe John Cornyn, në bordin e Air Force One ndërsa fluturonte për në këtë shtet.
Sondazh
Lexo gjithashtu
