Menjëherë pas mbylljes së procesit të votimit në zgjedhjet parlamentare në Hungari, ka ardhur edhe reagimi i parë nga rivali i kryeministrit aktual, Viktor Orban. Lideri i opozitës hungareze, Peter Magyar, përmes një postimi në rrjetet sociale, është shprehur se vendi është në prag të një ndryshimit të sistemit.
Ai lë të kuptohet se modeli aktual i qeverisjes po shkon drejt fundit, ndërsa nënvizon nevojën për qetësi dhe përmbajtje nga qytetarët në këtë fazë vendimtare.
“Regjimi po jeton orët e tij të fundit, jemi në prag të një ndryshimi sistemi. Le ta kalojmë së bashku! Të qëndrojmë të gjithë të qetë dhe me humor të mirë: koha është në anën tonë! Zoti e bekoftë Hungarinë”, shkruan ai.
Mesazhi i liderit opozitar vjen në një kohë kur pjesëmarrja në votime ka arritur një nivel rekord prej 77.8%, një tregues i qartë i mobilizimit të lartë qytetar dhe interesit të jashtëzakonshëm për këto zgjedhje. Ai ka bërë thirrje për unitet dhe besim, duke reflektuar optimizëm për rezultatin dhe zhvillimet që pritet të pasojnë.
Sondazh
Lexo gjithashtu
