Ish-presidenti Donald Trump ka reaguar pas të shtënave në mitingun e tij në Pensilvani . Ish-presidenti dhe kandidati aktual tha se ai u qëllua dhe mori një plagë në vesh.
Në postimin e tij në faqen e rrjeteve sociale Truth Social, ai falënderoi Shërbimin Sekret dhe organet e zbatimit të ligjit për "përgjigjen e tyre të shpejtë".
Ai po ashtu u shprehu i shprehu ngushëllime familjes së personit që u vra në miting, si dhe familjes së një personi tjetër që u plagos rëndë.
“Dua të falënderoj Shërbimin Sekret të Shteteve të Bashkuara dhe të gjithë Forcat e Zbatimit të Ligjit, për reagimin e tyre të shpejtë për të shtënat që sapo ndodhën në Butler, Pensilvani.
Më e rëndësishmja, dua t'i shpreh ngushëllimet e mia familjes së personit të vrarë në tubim, si dhe familjes së një personi tjetër që u plagos rëndë. Është e pabesueshme që një akt i tillë mund të ndodhë në vendin tonë.
Për momentin nuk dihet asgjë për sulmuesin, i cili tashmë ka vdekur. Më qëlluan me një plumb që më shpoi pjesën e sipërme të veshit të djathtë. E kuptova menjëherë se diçka nuk shkonte në atë që dëgjova një fërshëllimë, të shtëna dhe menjëherë ndjeva plumbin të çante nëpër lëkurë. Kishte shumë gjakderdhje, kështu që atëherë kuptova se çfarë po ndodhte. ZOTI E BEKOFTË AMERIKËN”, shkruan ai ndër të tjera.
Sondazh
Lexo gjithashtu
