Gjyqtarët e seksionit të emigracionit në gjykatën e Romës kanë vendosur: 12 emigrantët e sjellë në Shqipëri duhet të kthehen në Itali. Të gjithë. Nga tani. Dhe kjo pavarësisht se kërkesat e tyre për azil janë refuzuar nga komisionet territoriale, shkruan prestigjozja italiane "La Repubblica".
Sot në mëngjes magjistratët romakë nuk vërtetuan, siç ishte e parashikueshme, ndalimin e dymbëdhjetë azilkërkuesve nga Egjipti dhe Bangladeshi, të shpëtuar natën e 13 tetorit nga Policia Financiare në ujërat ndërkombëtare të zonës italiane SAR.
Ata u sollën më pas në Shqipëri, në Shëngjin dhe u bënë emigrantët e parë të në qendrat e paraburgimit në Gjadër.
Arsyeja lidhet me vendimin e Gjykatës Evropiane të Drejtësisë të datës 4 tetor, pra përpara hapjes së qendrave të emigrantëve në Shqipëri nën juridiksionin italian, i cili shprehte qartë se kur një shtet konsiderohet i sigurt, të gjitha pjesët e tij dhe çdo qytetar duhet të jetë i sigurt.
Egjipti dhe Bangladeshi dhe Tunizia, vende nga janë me origjinë emigrantët e kapur në ujërat ndërkombëtare nga marina italiane, nuk janë të sigurta dhe për rrjedhojë Gjykata e Romës ka urdhëruar që 12 emigrantët të kthehen menjëherë në Itali.
Në fakt, emigrantët në qendrat shqiptare nuk mund të qëndrojnë dhe as të lihen të lirë në territorin shqiptar, siç parashikon pakti me kryeministrave Edi Rama dhe Giorgia Meloni, ndaj ata duhet të hipin sërish në një anije për t'u kthyer në Itali, në portin ku qeveria italiane vendos t'i lërë të zbarkojnë.
“Prandaj autoritetet italiane kanë për detyrë të kthejnë të arrestuarit në Itali dhe t'i lejojnë ata të ushtrojnë të drejtën e azilit në territorin italian”, sqarojnë avokatët Silvia Calderoni, Paolo Iafrate dhe Arturo Salerni, të cilët po ndihmojnë një shtetas Bangladesh të ndaluar në Gjadër.
Nga 85 të shpëtuar në det nga katër varka, vetëm 16 u dërguan në anijen 13-vendëshe të Marinës. Dy të tjerë, të mitur, janë kthyer mbrapsht sapo kanë mbërritur në portin e Shëngjinit. Monitorimi i cenueshmërisë më pas përjashtoi dhe dy të tjerë. Dhe sot ka mbërritur “jo” për ndalimin e të dymbëdhjetëve të fundit.
"Qendrat shqiptare me mijëra vende që funksionojnë që nga 13 tetori mund të mbeten bosh nga mbrëmja e sotme", shkruan media prestigjoze italiane "La Repubblica".
Sondazh
Lexo gjithashtu
