Agjencia Kombëtare e Bregdetit ka nisur një aksion në të gjitha plazhet e Vlorës për lirimin e hapësirave publike të zëna në kundërshtim me ligjin.
Gjatë kontrolleve në terren janë konstatuar dhjetëra subjekte që kishin vendosur çadra dhe shezlongë mbi numrin e lejuar, në shkelje të kontratave dhe lejeve përkatëse.
Si rezultat i verifikimeve, autoritetet kanë sekuestruar çadrat e vendosura në mënyrë të paligjshme dhe kanë liruar hapësirat publik.
Sipas AKB-së, aksioni do të vijojë edhe në ditët në vijim përgjatë gjithë vijës bregdetare, në bashkëpunim me Policinë e Shtetit dhe Policinë Bashkiake. Qëllimi i tij është garantimi i respektimit të ligjit dhe sigurimi i aksesit të lirë të qytetarëve në plazhet publike gjatë sezonit turistik.
Ky aksion vjen një ditë pas inspektimit në terren të ministrit të Turizmit, Blendi Gonxhja, në Vlorë.
Sondazh
Lexo gjithashtu
