Kryetarja e Bashkisë së Roskovecit, Majlinda Bufi, është paraqitur ditën e sotme në Prokurorinë e Posaçme Kundër Korrupsionit dhe Krimit të Organizuar ,SPAK.
Kujtojmë që në prill të 2023-shit, Emels Xhaxhaj, kryetar i degës së Partisë Demokratike në Roskovec nga grupimi i Sali Berishës, depozitoi një kallëzim në SPAK për kryebashkiaken Majlinda Bufi. Bufi është e marrë e pandehur për veprën penale “përdorimit të funksionit publik për veprimtari politike”.
Në shkurt SPAK dha pretencën për të dhe kërkoi 18 muaj burg. Nga analiza e akteve dhe provave të administruara, gjatë hetimeve të kryera për këtë procedim penal, rezulton se e pandehura Majlinda Bufi, në detyrën e Kryetares së Bashkisë Roskovec, në kundërshtim me ligjin, i ka kërkuar shtetasit, G.B, të mos marrë pjesë në votimet për zgjedhjet vendore të 14 Majit 2023 dhe të mos përfshihet në veprimtaritë zgjedhore të partive të tjera politike.
Kryebashkiakja e Roskovecit është denoncuar publikisht gjithashtu dhe nga demokrati Gazment Bardhi lidhur me me një tender për karikimin e makinave elektrike me vlerë miliona euro si edhe për ndërtimin e një termocentarali në zonë bujqësore.
Sondazh
Lexo gjithashtu
