Arbër Çepani, fituesi i "Big Brother" dhe një ndër personazhet më të njohura publike në Shqipëri, ka reaguar për ikjen e parakohshme të politikanit Gerti Bogdani. Ai është familjari i parë që shkruan për lajmin e trishtë, pasi është kunati i Gertit.
“Pse na e bëre o Gert… Pse na e bëre”, shkruan Arbri në llogarinë e tij, duke zgjedhur një sfond të errët për mesazhin e trishtë.
Arbër Çepani është vëllai i aktivistes Edlira Çepani, e cila ishte martuar me politikanin Gerti Bogdani dhe ishin prindër të dy fëmijëve të mrekullueshëm, Ajrës dhe Reinartit.
Gerti Bogdani ka ndërruar jetë papritur këtë të mërkurë teksa ndodhej në ambientet e Hotel "Rogner" në kryeqytet, nën shoqërinë e kolegëve dhe miqve të tij, gati për të marrë pjesë një takim zyrtar kur ka pësuar një goditje në zemër.
Fatkeqësisht, 44 vjeçari është dërguar me autoambulancë në spital por mjekët nuk kanë mundur ta rikthejnë në jetë.
-
Vdes papritur Gert Bogdani
18 Shtator, 13:47
Sondazh
Lexo gjithashtu
