Një valë e fortë të nxehti pritet të përfshijë këtë javë rreth dy të tretat e territorit të Shteteve të Bashkuara, duke rritur shqetësimet për ndikimin e saj në jetën e përditshme.
Shërbimi Kombëtar i Motit (NWS) ka paralajmëruar se bëhet fjalë për një valë të rrezikshme nxehtësie, e cila në disa zona mund të thyejë rekordet lokale të temperaturave.
Sipas parashikimeve, në pjesën më të madhe të shteteve qendrore dhe lindore temperaturat maksimale do të kalojnë 30 gradë Celsius, ndërsa për shkak të lagështisë së lartë temperatura e ndjerë mund të arrijë nga 40 deri në 46 gradë Celsius.
Autoritetet u bëjnë thirrje qytetarëve të kufizojnë ekspozimin në diell gjatë orëve më të nxehta të ditës, të qëndrojnë të hidratuar dhe të ndjekin këshillat e sigurisë, pasi temperaturat ekstreme mund të paraqesin rrezik serioz për shëndetin, veçanërisht për të moshuarit, fëmijët dhe personat me sëmundje kronike.
Sondazh
Lexo gjithashtu
