Ornel Sylaj, një 23 vjeçar shqiptar pa vendbanim të caktuar në Angli, është dënuar me dy vjet e tetë muaj burg nga Gjykata e Kurorës së Kembrixhit, dje më 15 qershor, pasi u kap me kokainë me vlerë mijëra paund nga oficerët e Policisë Britanike.
Ai u deklarua fajtor për posedim me qëllimin e furnizimit me kokainë në një seancë të mëparshme gjyqësore, ndërsa dje, Gjykata dëgjoi se si, pasditen e 24 marsit të këtij viti, oficerë të veshur civilë ndaluan Sylajn në stacionin e Peterborough dhe zbuluan se ai kërkohej me rikthim në burg.
Ai kishte shkelur kushtet e kontratës së tij pas lirimit nga burgu në mars të vitit 2025, pasi kishte vuajtur një dënim me burg për një tjetër vepër penale që lidhet me drogën. Më pas, oficerët e kontrolluan Ornel Sylajn dhe gjetën 150 qese kokaine brenda xhepit të xhaketës së tij.
Në total, atij iu gjet mbi 80 gramë kokainë, me një vlerë të vlerësuar në rrugë prej 7,500 paundësh. Ndalimi i 23 vjeçarit shqiptar ka qenë krejt rastësor dhe nga verifikimi në komisariat, ka rezultuar se ai kishte shkelur kushtet e lirimit me kusht.
Gjatë kontrollit, atij ju gjet rastësisht edhe lënda narkotike, përcjell newsbomb.al sipas të dhënave nga Policia Britanike.
Rreshteri i BTP-së, Julian Mason, tha: “Taskforca jonë e linjave të policisë është shumë e aftë në vëzhgimin e sjelljes dhe mund të dallojë lehtësisht shenjat treguese të kujtdo që përpiqet të shmangë oficerët e policisë ose të kalojë pa u vënë re.
Arrestimi i Sylajt dhe dënimi i mëvonshëm me burgim do të thotë se më shumë droga të dëmshme janë hequr nga rrugët dhe se një tjetër trafikant droge nga County Lines është pas hekurave aty ku i takon."
Sondazh
Lexo gjithashtu
